Հայաստանի նախագահ Սերժ Սարգսյանը մարտի 13-ի երեկոյան հանդիպում է ունեցել աշխատանքային այցով Հայաստան ժամանած Բելառուսի նախագահ Ալեքսանդր Լուկաշենկոյի հետ:

Սերժ Սարգսյանը ասել է, որ կան որոշ հարցեր, որոնց քննարկումն ավելի արդյունավետ կարող է լինել առաջին դեմքերի մակարդակով` հատկապես ներկա միջազգային ֆինանսատնտեսական ճգնաժամի պայմաններում, երբ տնտեսական հարաբերությունները դրական ազդակների կարիք ունեն, եւ երկու երկրներում մեծ ջանքեր են գործադրվում ճգնաժամի հետեւանքները մեղմելու համար:
Ալեքսանդր Լուկաշենկոն նշել է, թե Բելառուսը եւ Հայաստանը շատ սերտ գործընկերներ են, եւ չունեն բանակցությունների համար փակ թեմաներ` սկսած ռազմաքաղաքական համագործակցությունից վերջացրած տնտեսական, ֆինանսական, առեւտրի խնդիրներով: