Հայաստանում բացահայտվել է հանցավոր խմբի գործունեություն, որը Երեւանում տեւական ժամանակ զբաղվել է տարադրամի անօրինական առեւտրով` խոշոր չափերի, տեղեկացնում է Ազգային անվտանգության ծառայությունը:

Ըստ հաղորդագրության, խմբի կազմում են Երեւանի բնակիչներ Վ. Միքայելյանը, Կ. Զաքարյանը եւ Է. Գալստյանը, որոնցից ամեն մեկը կատարել է իրեն վերապահված դերը: ԱԱԾ պաշտոնական հաղորդագրության համաձայն, նրանց ծառայությունից օգտվել են բացառապես Երեւանի եւ մարզերի փոխանակման կետերը, ինչպես նաեւ առանձին քաղաքացիներ: Խմբի գործունեությանը ակտիվ աջակցել են մի շարք առեւտրային բանկերի ներկայացուցիչներ: Իրականացվում է քննություն: